12އޭ
ސުވާލު
ނަޖުދާ އާއި އަފްރާދަކީ ހ.ދ ކުޅުދުއްފުށީގައި ދިރިއުޅެމުންދާ ދެމަފިރިންނެވެ. ކައިވެންޏަށް، 1 އަހަރުވީއިރު ނަޖުދާއިނީ ބަލިވެއެވެ. މިހާރު ބަނޑަށް 6 މަސްވެއްޖެއެވެ. ދެމަފިރިންވެސް ދިރިއުޅެމުންދަނީ 5 ވަނަ ބުރީގައި ހުންނަ އެޕާޓްމަންޓުގައެވެ. ނަޖުދާ ބަނޑުބޮޑު ވުމުން ސިޑިން އަރައި ފައިބަން އުނދަގޫވާތީ ތިރީ ބުރީގައި ހުންނަ އެޕާޓުމަންޓަކަށް ބަދަލުކޮށްދެވޭނެ ގޮތެއް ހަދައިދޭށޭ އަފްރާދު ކައިރީގައި ކިޔާތާ 1 މަސްދުވަސް ވެއްޖެއެވެ. ނަމަވެސް، އެއްދުވަހަކު ނަޖުދާ ސިޑިން ފައިބަނިކޮށް ސިޑީގެ ހަރުފަތެއްގައި އަޅައިގަނެފައި ސިޑިންވެއްޓި ވަރަށް ބޮޑަށް އަނިޔާވިއެވެ. އަވަސްފަރުވާއަށް އެމްބިއުލާންސްގައި ހޮސްޕިޓަލަށް ގެންދިޔައެވެ. ޓެސްޓުތައް ހަދާފައި ބެލިއިރު ނަޖުދާގެ ބަނޑުގައިވާ ދަރިފުޅު އޮތީ ނިޔާވެފައެވެ. ޖެނެރަލް ވާރޑްގައި އެޑްމިޓްކޮށްފައި ވަނިކޮށް ނަޖުދާ މަންމަ އާއި ބައްޕަ ނަޖުދާ ކައިރިއަށް ދިޔައެވެ. އެތާނގައި އެމީހުންގެ ދޭތެރޭ ދެކެވުނު ވާހަކައިގެ މައްޗަށް ރޭޑިއޯ ޑްރާމާގެ ސީންއެއް ލިޔާށެވެ.
ތަނާއި ވަގުތު: ހޮސްޕިޓަލް ޖެނެރަލް ވާރޑް، މެންދުރު 12:36
ބައިވެރިން: ނަޖުދާ
އަފްރާދު
އައިސަ ( ނަޖުދާ މަންމަ )
މުހައްމަދު ( ނަޖުދާ ބައްޕަ )
އެފްއެކްސް: ހޮސްޕިޓަލް ވާރޑު ބޭރުގައި މީހުން ހިނގާ އަޑު
އައިސަ: (ބާރުހިނގުމެއްގައި އަންނަ އަޑު) (ފޭޑްއިން) (ހާސްވެފައި) ދަރިފުޅާ ނަޖުދާ؟
ކިހިނެއްވީ؟
މުހައްމަދު: (ހިނގާފައި ކައިރިއަށް އަންނައަޑު) (ފޭޑްއިން) ހެދެ ދަރިފުޅާ؟ ބައްޕަމެންނަށް
އަދި މި ހަބަރުލިބުނީ
ނަޖުދާ: (ގިސްލާއަޑު)
އަފްރާދު: (ދެރަވެފައި) ނަޖުދާ ބަނޑުގައިއޮތް ދަރި…އަހަރެންގެ ދަރި…ނަޖުދާ ސިޑިން
ވެއްޓިފައި (ގިސްލަންފެށުން)
އައިސަ: އޭނ؟ ކީކޭ؟ ތަންކޮޅެއް ސާފުވާގޮތަށް ބުނެބަލަ!
އަފްރާދު: ނަޖުދާ ބަނޑުގައި އޮތް ދަރިފުޅު… ދަރިފުޅު… މަރުވީ (ގިސްލާއަޑު)
އައިސަ: ލާ…
މުހައްމަދު: އޭނ؟…އަސްތަޣްފިރު ﷲ
އައިސަ: (ހިތްހަމަނުޖެހިފައި) މަންމަ އަފްރާދު ކައިރީ އޭރުވެސް ބުނިންދޯ ނަޖުދާ
ބަނޑުބޮޑު ވީމަ މިހާރު ތިޔަ އުޅޭ މަތީ ބުރިން އަރައި ފައިބަން ނުޖެހޭ
ގޮތަށް ތިރީ އެޕާޓުމަންޓަކަށް ބަދަލުވާށޭ!
މުހައްމަދު: އައިސާ…ދެން ތިޔަ ވާހަކަ ނުދައްކާ އައިސާ.
އައިސަ: މަށަށް ހެޔޮ! އެންމެ ކުޑަމިނުން މަގެއަށް ގެންނަން އުޅުނީމަވެސް އެކަމަކަށް
އެއްބަހެއްނުވި! މަންމަ ބުނިގޮތް އަފްރާދު ހެދިނަމަ މިހެންނެއް ނުވީސް-
މުހައްމަދު: އައިސާ…ދެން ހަމަޖެހޭ!
އައިސަ: މަ ކިހިނެއް ހަމަޖެހޭނީ…އަހަރެންގެ ފުރަތަމަ މާމަދަރި…(ފުންނޭވާއެއް
ލައިފައި)
ނަޖުދާ: ދެން އެވީ! ވެނިމިފަ އޮތްކަމެއް ދެނެއް ބަދަލެއް ނުކުރެވޭނެ!
އަފްރާދު: (ފުންނޭވާއެއްލައިފައި) އަހަރެންނަށް އެނގޭ މިއީ އަހަރެންގެ ފަރުވާ
ކުޑަކަމުން ވީ ކަމެއްކަން
މުހައްމަދު: އަފްރާދު…މަންމަ ބުނި އެއްޗެހި ހިތަށް ނުނަގާތި އިނގޭ…އިހަށް މިގަޑީގަ
ދޭ ގެއަށް ފެންވާރާ ނަމާދުކޮށްލާ ހަދަން. ބައްޕައާ މަންމައާ ނަޖުދާ ކައިރީގައި
މަޑުކުރާނަން.
އަފްރާދު: އާނ ބައްޕާ
އެފްއެކްސް: ހިނގާފައި ދާ އަޑު (ފޭޑްއައުޓް)